1 Be not youre herte afraied, ne drede it; ye bileuen in God, and bileue ye in me.
12 Treuthe cam forth of erthe; and riytfulnesse bihelde fro heuene.
1 The title of the hundrid and fyue and twentithe salm. The song of grecis. Whanne the Lord turnede the caitifte of Sion; we weren maad as coumfortid.
2 Thanne oure mouth was fillid with ioye; and oure tunge with ful out ioiyng. Thanne thei schulen seie among hethene men; The Lord magnefiede to do with hem.
7 Blessid is the man that tristith in the Lord, and the Lord schal be his trist.
8 And he schal be as a tre, which is plauntid ouer watris, which sendith hise rootis to moisture; and it schal not drede, whanne heete schal come; and the leef therof schal be greene, and it schal not be moued in the tyme of drynesse, nether ony tyme it schal faile to make fruyte.
10 And the Lord is maad refuyt, ether help, to a pore man; an helpere in couenable tymes in tribulacioun.
4 The Lord bere help to hym on the bed of his sorewe; thou hast ofte turned al his bed stre in his sijknesse.
5 Haue thou trist in the Lord, of al thin herte; and triste thou not to thi prudence.
6 In alle thi weies thenke thou on hym, and he schal dresse thi goyngis.
1 The title of the oon and nyntithe salm. The salm of song, in the dai of sabath.
2 It is good to knouleche to the Lord; and to synge to thi name, thou hiyeste.
3 To schewe eerli thi merci; and thi treuthe bi nyyt.
4 In a sautrie of ten cordis; with song in harpe.
7 Reisynge a nedi man fro the erthe; and enhaunsinge a pore man fro drit.
4 Ye han hopid in the Lord, in euerlastynge worldis, in the Lord God, strong with outen ende.
7 For thou schalt yyue hym in to blessing in to the world of world; thou schalt make hym glad in ioye with thi cheer.
8 For the kyng hopith in the Lord; and in the merci of the hiyeste he schal not be moued.
5 Thei clepeden not the Lord; thei trembliden there for dreed, where was no drede;
10 Lord, Y schal knouleche to thee among puplis; and Y schal seie salm among hethene men.
11 For thi merci is magnified til to heuenes; and thi treuthe til to cloudis.
3 For thin arowis ben fitchid in me; and thou hast confermed thin hond on me.
4 Noon helthe is in my fleisch fro the face of thin ire; no pees is to my boonys fro the face of my synnes.
5 For my wickidnessis ben goon ouer myn heed; as an heuy birthun, tho ben maad heuy on me.
6 Myn heelid woundis weren rotun, and ben brokun; fro the face of myn vnwisdom.
2 Lo! God is my sauyour, Y schal do feithfuli, and Y schal not drede. For whi the Lord is my strengthe and my preysyng, and he is maad to me in to helthe.
8 I schal kepe thi iustifiyngis; forsake thou not me on ech side.
9 In what thing amendith a yong waxinge man his weie? in keping thi wordis.