1 The title of the hundrid and oon and twentithe salm. The song of the grecis of Dauid. I am glad in these thingis, that ben seid to me; We schulen go in to the hous of the Lord.
2 Oure feet weren stondynge; in thi hallis, thou Jerusalem.
17 alas! alas! Lord God, Lord, thou madist heuene and erthe in thi greet strengthe, and in thin arm stretchid forth; ech word schal not be hard to thee;
2 He schal seie to the Lord, Thou art myn vptaker, and my refuit; my God, Y schal hope in him.
9 Wo to hym that ayen seith his maker, a tiel stoon of erthe of Sannys. Whether clei seith to his pottere, What makist thou, and thi werk is withouten hondis?
10 For we ben the makyng of hym, maad of nouyt in Crist Jhesu, in good werkis, whiche God hath ordeyned, that we go in tho werkis.
6 Knouleching and fairnesse is in his siyt; hoolynesse and worthi doyng is in his halewing.
6 Neiye ye to him, and be ye liytned; and youre faces schulen not be schent.
24 For whi and thi witnessyngis is my thenkyng; and my counsel is thi iustifiyngis.
18 And the Lord God seide, It is not good that a man be aloone, make we to hym an help lijk to hym silf.
27 And God made of nouyt a man to his ymage and liknesse; God made of nouyt a man, to the ymage of God; God made of nouyt hem, male and female.
19 For the abidyng of creature abidith the schewyng of the sones of God.
4 For ech hous is maad of sum man; he that made alle thingis of nouyt is God.
36 For of hym, and bi hym, and in hym ben alle thingis. To hym be glorie in to worldis. Amen.
18 For wilfulli he bigat vs bi the word of treuthe, that we be a bigynnyng of his creature.
28 Whether thou knowist not, ether herdist thou not? God, euerlastynge Lord, that made of nouyt the endis of erthe, schal not faile, nether schal trauele, nether enserchyng of his wisdom is.
17 Therfor if ony newe creature is in Crist, the elde thingis ben passid.
3 and he blesside the seuenthe dai, and halewide it; for in that dai God ceesside of al his werk which he made of nouyt, that he schulde make.
13 And ech creature that is in heuene, and that is on erthe, and vndur erthe, and the see, and whiche thingis ben in it, Y herde alle seiynge, To hym that sat in the trone, and to the lomb, blessyng, and onour, and glorie, and power, in to worldis of worldis.
26 Make we man to oure ymage and liknesse, and be he souereyn to the fischis of the see, and to the volatilis of heuene, and to vnresonable beestis of erthe, and to ech creature, and to ech crepynge beest, which is moued in erthe.
6 He that bildith his stiyng vp in heuene, schal do these thingis, and foundide his birthun on erthe; which clepith watris of the see, and heldith out hem on the face of erthe; the Lord is name of hym.
28 For in hym we lyuen, and mouen, and ben. As also summe of youre poetis seiden, And we ben also the kynde of hym.
13 I haue knowe, that the Lord schal make dom of a nedi man; and the veniaunce of pore men.
14 Netheles iust men schulen knouleche to thi name; and riytful men schulen dwelle with thi cheer.
1 In the bigynnyng God made of nouyt heuene and erthe.
2 Forsothe the erthe was idel and voide, and derknessis weren on the face of depthe; and the Spiryt of the Lord was borun on the watris.
20 For the vnuysible thingis of hym, that ben vndurstondun, ben biholdun of the creature of the world, bi tho thingis that ben maad, yhe, and the euerlastynge vertu of hym and the godhed, so that thei mowe not be excusid.