Deus

9 Lo! Y comaunde to thee; be thou coumfortid, and be thou strong; nyle thou drede withoutforth, and nyle thou drede withynne; for thi Lord God is with thee in alle thingis, to whiche thou goost.

29 And whanne thou hast souyt there thi Lord God, thou schalt fynde hym; if netheles thou sekist with al the herte, and with al the tribulacioun of thi soule.

12 Onoure thi fadir and thi moder, that thou be long lyuyng on the lond, which thi Lord God schal yyue to thee.

10 Be ye mekid in the siyt of the Lord, and he schal enhaunse you.

22 Herfor, Lord God, thou art magnyfied, for noon is lijk thee, ne there is no God outakun thee, in alle thingis whiche we herden with oure eeris.

1 Rise thou, Jerusalem, be thou liytned, for thi liyt is comun, and the glorie of the Lord is risun on thee.

19 Therfor loue we God, for he louede vs bifore.

35 He that fyndith me, schal fynde lijf; and schal drawe helthe of the Lord.

7 Nyle ye erre, God is not scorned;

3 I schal crye to God altherhiyeste; to God that dide wel to me.

8 For why my thouytis ben not youre thouytis, and my weies ben not youre weies, seith the Lord.

16 And we han knowun, and bileuen to the charite, that God hath in vs. God is charite, and he that dwellith in charite, dwellith in God, and God in hym.

20 If ony man seith, that Y loue God, and hatith his brother, he is a liere. For he that loueth not his brothir, which he seeth, hou mai he loue God, whom he seeth not?

12 No man say euer God; if we louen togidre, God dwellith in vs, and the charite of hym is perfit in vs.

13 For Y am thi Lord God, takynge thin hond, and seiynge to thee, Drede thou not, Y helpide thee.

1 Lord, thou art my God, Y schal enhaunse thee, and Y schal knouleche to thi name; for thou hast do marueils, thin elde feithful thouytis.

2 Noon is hooli as the Lord is; for noon other is, outakun thee, and noon is strong as oure God.

17 Thi Lord God is strong in the myddil of thee, he schal saue; he schal make ioie on thee in gladnesse, he schal be stille in thi louyng, he schal make ioie withoutforth on thee in heriyng.

2 Mi doom come forth of thi cheer; thin iyen se equite.

4 Ioye ye in the Lord euere more; eft Y seie, ioye ye.

3 For Y was stille, my boonys wexiden elde; while Y criede al dai.

8 The snare which he knoweth not come to hym, and the takyng which he hidde take hym; and fall he in to the snare in that thing.

4 For ech hous is maad of sum man; he that made alle thingis of nouyt is God.

13 Y may alle thingis in hym that coumfortith me.