8 And in feith alle of oon wille in preier be ye eche suffringe with othere, loueris of britherhod, merciful, mylde, meke;
12 The herte of man is enhaunsid, bifor that it be brokun; and it is maad meke, bifore that it be glorified.
14 forsothe if my puple is conuertid, on whiche my name is clepid, and if it bisechith me, and sekith my face, and doith penaunce of hise werste weies, Y schal here fro heuene, and Y schal be merciful to the synnes of hem, and Y schal heele the lond of hem.
3 no thing bi strijf, nether by veyn glorie, but in mekenesse, demynge eche othere to be heiyer than hym silf;
18 Wymmen, be ye sugetis to youre hosebondis, as it bihoueth in the Lord.
19 Men, loue ye youre wyues, and nyle ye be bittere to hem.
35 And he took a child, and sette hym in the myddil of hem; and whanne he hadde biclippid hym, he seide to hem,
23 Lownesse sueth a proude man; and glorie schal vp take a meke man of spirit.
20 But to God and oure fadir be glorie in to worldis of worldis.
2 Where pride is, there also dispising schal be; but where meeknesse is, there also is wisdom.
13 Who is wijs, and tauyt among you? schewe he of good lyuyng his worching, in myldenesse of his wisdom.
8 Y schal schewe to thee, thou man, what is good, and what the Lord axith of thee; forsothe for to do doom, and for to loue merci, and be bisi for to walke with thi God.
12 Therfor ye, as the chosun of God, hooli and louyd, clothe you with the entrailis of merci, benygnite, and mekenesse, temperaunce, pacience;
4 The ende of temperaunce is the drede of the Lord; richessis, and glorye, and lijf.
13 For, britheren, ye ben clepid in to fredom; oneli yyue ye not fredom in to occasioun of fleisch, but bi charite of spirit serue ye togidere.
48 and seide to hem, Who euer resseyueth this child in my name, resseyueth me; and who euer resseyueth me, resseiueth him that sente me; for he that is leest among you alle, is the grettest.
33 The drede of the Lord is teching of wisdom; and mekenesse goith bifore glorie.
8 Lord, Y haue loued the fairnesse of thin hows; and the place of the dwellyng of thi glorie.
9 God, leese thou not my soule with vnfeithful men; and my lijf with men of bloodis.
2 Therfore whanne thou doist almes, nyle thou trumpe tofore thee, as ypocritis doon in synagogis and stretis, that thei be worschipid of men; sotheli Y seie to you, they han resseyued her meede.
3 Of whiche ther be not with outforth curious ournyng of heer, ether doyng aboute of gold, ethir ournyng of clothing;
4 but thilke that is the hid man of herte, in vncorrupcioun, and of mylde spirit, which is riche in the siyt of God.
2 in which ye ben clepid, with al mekenesse and myldenesse, with pacience supportinge ech other in charite,
16 Fele ye the same thing togidere; not sauerynge heiy thingis, but consentynge to meke thingis. Nile ye be prudent anentis you silf;
29 Take ye my yok on you, and lerne ye of me, for Y am mylde and meke in herte; and ye schulen fynde reste to youre soulis.
30 For my yok is softe, and my charge liyt.
6 Therfor be ye mekid vndir the myyti hoond of God, that he reise you in the tyme of visitacioun,
28 and God chees the feble thingis of the world, to confounde the stronge thingis; and God chees the vnnoble thingis and dispisable thingis of the world, and tho thingis that ben not, to distruye tho thingis that ben;
29 that ech man haue not glorie in his siyt.
10 Be ye mekid in the siyt of the Lord, and he schal enhaunse you.