Jesus me Ama

19 Therfor loue we God, for he louede vs bifore.

9 And ye witen the grace of oure Lord Jhesu Crist, for he was maad nedi for you, whanne he was riche, that ye schulden be maad riche bi his nedynesse.

10 In this thing is charite, not as we hadden loued God, but for he firste louede vs, and sente hise sone foryyuenesse for oure synnes.

35 Who thanne schal departe vs fro the charite of Crist? tribulacioun, or anguysch, or hungur, or nakidnesse, or persecucioun, or perel, or swerd?

36 As it is writun, For we ben slayn al dai for thee; we ben gessid as scheep of slauytir.

37 But in alle these thingis we ouercomen, for hym that louyde vs.

5 that is a feithful witnesse, the firste bigetun of deed men, and prince of kingis of the erthe; which louyde vs, and waischide vs fro oure synnes in his blood,

6 and made vs a kyngdom, and preestis to God and to his fader; to hym be glorie and empire in to worldis of worldis.

8 Hillis stien vp, and feeldis goen doun; in to the place which thou hast foundid to tho.

9 Thou hast set a terme, which tho schulen not passe; nether tho schulen be turned, for to hile the erthe.

10 And thou sendist out wellis in grete valeis; watris schulen passe bitwix the myddil of hillis.

11 Alle the beestis of the feeld schulen drynke; wielde assis schulen abide in her thirst.

12 Briddis of the eir schulen dwelle on tho; fro the myddis of stoonys thei schulen yyue voices.

16 For God louede so the world, that he yaf his oon bigetun sone, that ech man that bileueth in him perische not, but haue euerlastynge lijf.

1 Therfor be ye foloweris of God, as moost dereworthe sones;

2 and walke ye in loue, as Crist louyde vs, and yaf hym silf for vs an offryng and a sacrifice to God, in to the odour of swetnesse.

8 But God comendith his charite in vs; for if whanne we weren yit synneris,

1 Se ye what maner charite the fadir yaf to vs, that we be named the sones of God, and ben hise sones. For this thing the world knewe not vs, for it knew not hym.

16 In this thing we han knowe the charite of God, for he puttide his lijf for vs, and we owen to putte oure lyues for oure britheren.

13 No man hath more loue than this, that a man putte his lijf for hise freendis.

38 But Y am certeyn, that nethir deeth, nether lijf, nether aungels, nethir principatus, nether vertues, nether present thingis, nether thingis to comynge, nether strengthe,

39 nether heiyth, nether depnesse, nether noon othir creature may departe vs fro the charite of God, that is in Crist Jhesu oure Lord.