11 But these weren the worthier of hem that ben at Thessolonik, whiche resseyueden the word with al desire, eche dai sekinge scripturis, if these thingis hadden hem so.
6 And these wordis whiche Y comaunde to thee to dai, schulen be in thin herte;
7 and thou schalt telle tho to thi sones, and thou schalt thenke on tho, sittynge in thin hows, and goynge in the weie, slepynge, and rysinge.
8 And thou schalt bynde tho as a signe in thin hond; and tho schulen be, and schulen be moued bifor thin iyen; and thou schalt write tho in the lyntel,
13 Tyl Y come, take tent to redyng, to exortacioun and teching.
8 The book of this lawe departe not fro thi mouth, but thou schalt thenke therynne in daies and nyytis, that thou kepe and do alle thingis that ben writun therynne; thanne thou schalt dresse thi weie, and schalt vndirstonde it.
16 For al scripture inspirid of God is profitable to teche, to repreue, to chastice, to lerne in riytwisnes, that the man of God be parfit, lerud to al good werk.
3 Blessid is he that redith, and he that herith the wordis of this prophecie, and kepith tho thingis that ben writun in it; for the tyme is niy.
39 Seke ye scripturis, in which ye gessen to haue euerlastynge lijf; and tho it ben, that beren witnessyng of me.
4 For what euere thingis ben writun, tho ben writun to oure techynge, that bi pacience and coumfort of scripturis we haue hope.
24 And Jhesus answeride, and seide to hem, Whether ye erren not therfor, that ye knowe not scripturis, nethir the vertu of God?
8 And thei redden in the book of Goddis lawe distinctli, ether atreet, and opynli to vndurstonde; and thei vndurstoden, whanne it was red.
1 Mi sone, if thou resseyuest my wordis, and hidist myn heestis anentis thee;
2 that thin eere here wisdom, bowe thin herte to knowe prudence.
3 For if thou inwardli clepist wisdom, and bowist thin herte to prudence;
4 if thou sekist it as money, and diggist it out as tresours;
5 thanne thou schalt vndirstonde the drede of the Lord, and schalt fynde the kunnyng of God.
6 For the Lord yyueth wisdom; and prudence and kunnyng is of his mouth.
10 Esdras made redi his herte to enquere the lawe of the Lord, and to do, and teche in Israel the comaundement and doom.