13 The drede of the Lord hatith yuel; Y curse boost, and pride, and a schrewid weie, and a double tungid mouth.
7 Be thou not wijs anentis thi silf; drede thou God, and go awei fro yuel.
8 For whi helthe schal be in thi nawle, and moisting of thi boonys.
9 If we knowlechen oure synnes, he is feithful and iust, that he foryyue to vs oure synnes, and clense vs from al wickidnesse.
20 But he seide, The thingis that gon out of a man, tho defoulen a man.
21 For fro with ynne, of the herte of men comen forth yuel thouytis, auowtries,
22 fornycaciouns, mansleyingis, theftis, auaricis, wickidnessis, gile, vnchastite, yuel iye, blasfemyes, pride, foli.
23 Alle these yuels comen forth fro with ynne, and defoulen a man.
7 Pees be maad in thi vertu; and abundaunce in thi touris.
8 For my britheren and my neiyboris; Y spak pees of thee.
20 Ye thouyten yuel of me, and God turnede it in to good, that he schulde enhaunse me, as ye seen in present tyme, and that he schulde make saaf many puplis;
26 Be ye wrooth, and nyle ye do synne; the sunne falle not doun on youre wraththe.
27 Nyle ye yyue stide to the deuel.
13 but delyuere vs fro yuel.
15 Se ye, that no man yelde yuel for yuel to ony man; but euere more sue ye that that is good, ech to othere and to alle men.
21 But preue ye alle thingis, and holde ye that thing that is good.
22 Absteyne you fro al yuel spice.
12 Hatrede reisith chidingis; and charite hilith alle synnes.
21 For which thing caste ye awei al vnclennesse, and plentee of malice, and in myldenesse resseyue ye the word that is plauntid, that may saue youre soulis.
5 and derknessis comprehendiden not it.
15 Y preye not, that thou take hem awei fro the world, but that thou kepe hem fro yuel.
12 For whi stryuyng is not to vs ayens fleisch and blood, but ayens princis and potestatis, ayens gouernours of the world of these derknessis, ayens spiritual thingis of wickidnesse, in heuenli thingis.
18 And the Lord delyueride me fro al yuel werk, and schal make me saaf in to his heuenly kingdom, to whom be glorie in to worldis of worldis.
21 Nyle thou be ouercomun of yuel, but ouercome thou yuel bi good.
16 Be ye waischun, be ye clene; do ye awei the yuel of youre thouytis fro myn iyen; ceesse ye to do weiwardli, lerne ye to do wel.
9 Deme ye trewe dom, and do ye merci, and doyngis of merci, ech man with his brother.
10 And nyle ye falsli calenge a widewe, and fadirles, ether modirles, and comelyng, and pore man; and a man thenke not in his herte yuel to his brother.
9 Loue with outen feynyng, hatynge yuel, drawynge to good;
11 Clothe you with the armere of God, that ye moun stonde ayens aspiynges of the deuel.
14 I pleside so as oure neiybore, as oure brother; Y was maad meke so as morenynge and sorewful.
17 But, britheren, Y preye you, that ye aspie hem that maken discenciouns and hirtyngis, bisidis the doctryne that ye han lerned, and bowe ye awei fro hem.