21 and thin eeris schulen here a word bihynde the bak of hym that monestith; This is the weie, go ye therynne, nether to the riyt half nether to the left half.
1 In the bigynnyng was the word, and the word was at God, and God was the word.
16 For al scripture inspirid of God is profitable to teche, to repreue, to chastice, to lerne in riytwisnes, that the man of God be parfit, lerud to al good werk.
27 My scheep heren my vois, and Y knowe hem, and thei suen me.
24 oure Lord God schewide to vs his maieste and greetnesse; we herden his vois fro the myddis of fier, and we preueden to day that a man lyuede, while God spak with man.
4 But thou, Lord, art myn vptakere; my glorye, and enhaunsyng myn heed.
17 Therfor feith is of heryng, but heryng bi the word of Crist.
24 Therfor ech man that herith these my wordis, and doith hem, schal be maad lijk to a wise man, that hath bildid his hous on a stoon.
25 And reyn felde doun, and flodis camen, and wyndis blewen, and russchiden in to that hous; and it felde not doun, for it was foundun on a stoon.
24 Treuli, treuli, Y seie to you, that he that herith my word, and bileueth to hym that sente me, hath euerlastynge lijf, and he cometh not in to doom, but passith fro deeth in to lijf.
25 Treuli, treuli Y seie to you, for the our cometh, and now it is, whanne deed men schulen here the vois of Goddis sone, and thei that heren, schulen lyue.
20 And firste vndurstonde ye this thing, that ech prophesie of scripture is not maad bi propre interpretacioun;
21 for prophesie was not brouyt ony tyme bi mannus wille, but the hooli men of God inspirid with the Hooli Goost spaken.
47 He that is of God, herith the wordis of God; therfor ye heren not, for ye ben not of God.
14 And the word was maad man, and dwellyde among vs, and we han seyn the glorie of hym, as the glorie of the oon bigetun sone of the fadir, ful of grace and of treuthe.
45 And alle men schulen be able for to be tauyt of God. Ech man that herde of the fadir, and hath lerned, cometh to me.
3 Crye thou to me, and Y schal here thee, and Y schal telle to thee grete thingis, and stidfast, whiche thou knowist not.
3 Mi Lord God, Y criede to thee; and thou madist me hool.
4 Lord, thou leddist out my soule fro helle; thou sauedist me fro hem that goen doun into the lake.
5 Ye seyntis of the Lord, synge to the Lord; and knowleche ye to the mynde of his hoolynesse.
28 And he seide, But yhe blessid be thei, that heren the word of God, and kepen it.