Paciência

3 Mi kyng, and my God; yyue thou tent to the vois of my preier.

13 but he that schal dwelle stable in to the ende, schal be saaf.

4 Charite is pacient, it is benygne; charite enuyeth not, it doith not wickidli, it is not blowun,

5 it is not coueytouse, it sekith not tho thingis that ben hise owne, it is not stirid to wraththe, it thenkith not yuel,

29 He that is pacient, is gouerned bi myche wisdom; but he that is vnpacient, enhaunsith his foli.

8 But, ye moost dere, this o thing be not hid to you, that o dai anentis God is as a thousynde yeeris, and a thousynde yeeris ben as o dai.

16 But therfor Y haue getun merci, that Crist Jhesu schulde schewe in me first al pacience, to the enfourmyng of hem that schulen bileue to hym in to euerlastinge lijf.

13 and kerue ye youre hertis, and not youre clothis, and be ye conuertid to youre Lord God, for he is benygne, and merciful, pacient, and of myche merci, and abidynge, ether foryyuynge, on malice.

32 A pacient man is betere than a stronge man; and he that is lord of his soule, is betere than an ouercomere of citees.

2 in which ye ben clepid, with al mekenesse and myldenesse, with pacience supportinge ech other in charite,

2 preche the word, be thou bisi couenabli with outen rest, repreue thou, biseche thou, blame thou in al pacience and doctryn.

5 Thou schalt lede me out of the snare, which thei hidden to me; for thou art my defendere.

7 I am maad a wretche, and Y am bowid doun til in to the ende; al dai Y entride sorewful.

14 the Lord schal fiyte for you, and ye schulen be stille.

5 But God of pacience and of solace yyue to you to vndurstonde the same thing, ech in to othere aftir Jhesu Crist,

9 And doynge good faile we not; for in his tyme we schal repe, not failinge.

18 Therfor the Lord abidith, that he haue mercy on you, and therfor he schal be enhaunsid sparynge you; for whi God is Lord of doom, blessid ben alle thei that abiden hym.

12 ioiynge in hope, pacient in tribulacioun, bisy in preier,

42 Therfor wake ye, for ye witen not in what our the Lord schal come.

9 The Lord tarieth not his biheest, as summe gessen, but he doith pacientli for you, and wole not that ony men perische, but that alle turne ayen to penaunce.

11 Lo! Y come soone; holde thou that that thou hast, that no man take thi coroun.

8 Hillis stien vp, and feeldis goen doun; in to the place which thou hast foundid to tho.

12 Therfor ye, as the chosun of God, hooli and louyd, clothe you with the entrailis of merci, benygnite, and mekenesse, temperaunce, pacience;

25 And if we hopen that thing that we seen not, we abiden bi pacience.