1 א   מזמור לאסף br אלהים נצב בעדת-אל    בקרב אלהים ישפט br 2 ב   עד-מתי תשפטו-עול    ופני רשעים תשאו-סלה br 3 ג   שפטו-דל ויתום    עני ורש הצדיקו br 4 ד   פלטו-דל ואביון    מיד רשעים הצילו br 5 ה   לא ידעו ולא יבינו--    בחשכה יתהלכו br ימוטו    כל-מוסדי ארץ br 6 ו   אני-אמרתי אלהים אתם    ובני עליון כלכם br 7 ז   אכן כאדם תמותון    וכאחד השרים תפלו br 8 ח   קומה אלהים שפטה הארץ    כי-אתה תנחל בכל-הגוים

1 מִזְמֹור לְאָסָף אֱ‍לֹהִים נִצָּב בַּעֲדַת־אֵל בְּקֶרֶב אֱלֹהִים יִשְׁפֹּט׃2 עַד־מָתַי תִּשְׁפְּטוּ־עָוֶל וּפְנֵי רְשָׁעִים תִּשְׂאוּ־סֶלָה׃3 שִׁפְטוּ־דַל וְיָתֹום עָנִי וָרָשׁ הַצְדִּיקוּ׃4 פַּלְּטוּ־דַל וְאֶבְיֹון מִיַּד רְשָׁעִים הַצִּילוּ׃5 לֹא יָדְעוּ ׀ וְלֹא יָבִינוּ בַּחֲשֵׁכָה יִתְהַלָּכוּ יִמֹּוטוּ כָּל־מֹוסְדֵי אָרֶץ׃6 אֲ‍נִי־אָמַרְתִּי אֱלֹהִים אַתֶּם וּבְנֵי עֶלְיֹון כֻּלְּכֶם׃7 אָכֵן כְּאָדָם תְּמוּתוּן וּכְאַחַד הַשָּׂרִים תִּפֹּלוּ׃8 קוּמָה אֱלֹהִים שָׁפְטָה הָאָרֶץ כִּי־אַתָּה תִנְחַל בְּכָל־הַגֹּויִם׃